+14 °С
Облачно
Новости
2 Июля 2021, 04:41
Яугирләрне искә алдылар
Сугыш хәрәкәтләре ветераннары көне уңаеннан локаль низагларда һәлак булган яугирләр һәйкәленә чәчәкләр салу тантанасы үтте. Ватан азатлыгы һәм бәйсезлеге өчен гомерен биргән сугышчыларны искә алу өчен ветераннар, Әфганстанда һәм Чечняда һәлак булган ир-егетләрнең гаилә әгъзалары, хакимият һәм дини конфессияләр вәкилләре, район халкы, волонтерлар һәм балалар приютында тәрбияләнүчеләр килделәр.
Яугирләрне искә алдылар
Безнең районнан сугыш хәрәкәтләрендә һәм локаль низагларда 10 кеше – дүртесе Чечняда һәм алтысы Төньяк Кавказда һәлак булды.
1 июльдә кораллы локаль низагларда Рәсәй мәнфәгатьләрен яклаган, хәрби бурычларын батырларча һәм фидакарь үтәгән якташларны искә алдылар. Әфганстан ветераннары берлегенең Чишмә районы буенча бүлеге һәлак булганнар истәлеген мәңгеләштерү өчен күп эш башкара. Чишмә районы – республикада хәрби хәрәкәтләрдә һәлак булган ветераннарның кабер ташлары тулысынча яңартылган бердәнбер район.
Яугирләрне искә алдылар
Редакцияне сайлау
