Учак өчен – штраф

Башкортстан Республикасында 17 апрельдән янгынга каршы махсус режим кертелде, учаклар яндыру тыела. БР Дәүләт комитетының Янгыннарны кисәтү үзәге инспекциясе районда кыска гына вакыт эчендә әлеге режимны бозуның тугыз очрагын ачыклады (чүп-чар, агач ботаклары, учаклар яндыру, шул исәптән паркларда һәм скверларда), шуның буенча БР Административ хокук бозулар турындагы кодексның 6.22 маддәсенә ярашлы беркетмәләр төзелде һәм район хакимиятенең административ комиссиясенә тапшырылды. Дүрт гражданга 500 сумнан 2000 сумга кадәр штраф рәвешендә җәза билгеләү турында карар чыгарылды.