Эш сәфәре белән килде

28 апрельдә Башкортстан Республикасы Хөкүмәте Премьер-министры урынбасары – авыл хуҗалыгы министры Илшат Фәзрахманов Чишмә районына эш сәфәре белән килде. Ул Чишмә шикәр заводында булды, әлеге вакытта анда тулы куәткә производствоны камилләштерү эшләре бара. Биредә производствоны автоматлаштыру системаларын кулланып, югары җитештерү куәтенә ия булган җайланмалар урнаштырылачак. Ул шикәр чөгендере һәм борчак чәчү белән шөгыльләнгән «Башкир-агроинвест» һәм «Агро-Альянс» җәмгыятьләре басуларында да булды. Сәфәрдә аны Чишмә районы хакимияте башлыгы Ришат Мансуров озатып йөрде.