КПРФ Чишмәдә яшьләр белән эшне көчәйтергә ниятли

2 февральдә КПРФ райкомының чираттагы пленумы үтте, аның барышында партиянең яңа әгъзаларына партия билетлары тапшырылды һәм электән килгән традиция буенча юбилярлар тәбрикләнде.

Партия әгъзалары район оешмасының яшьләр белән эшне көчәйтү буенча бурычларын тикшерделәр, 2019 елда башкарыласы эшләр планын расладылар. Депутат-коммунистлар Э. Илалов белән И. Уразмәтовның үз округларындагы сайлаучылар мөрәҗәгатьләре буенча башкарылган эшләр турында отчетлары тыңланды. Доклад белән пленумда КПРФ райкомының беренче секретаре Р. Һадиев чыгыш ясады. Мәсьәләләрне тикшерүдә райком әгъзалары Р. Ардуванова, А. Тарзимин, Р. Заһиров, Х. Мәгъсүмов, Ф. Чемборисова һәм башкалар катнаштылар.