Пенсионерларга - 3000 сум

Коммунистлар шундый башлангыч белән чыкты.

"Рәсәй коммунистлары" партиясе Үзәк комитеты рәисе Максим Сурайкин, эшсез калган рәсәйлеләргә, пенсионерларга һәм ялгыз аналарга Яңа елга 3000 сум түләргә кирәк, дигән тәкъдим кертә.

Бу тәкъдимен ул Хезмәт һәм социаль яклау министрлыгына юллаган.

"Бөтен эшсезләргә, ел буе диярлек үзизоляциядә булган пенсионерларга, ялгыз әниләргә быел дәүләт Яңа елга акчалата ярдәм итәргә тиеш", - дигән Сурайкин.

Аның сүзләренчә, быел һәм киләсе елның гыйнварының беренче яртысында рәсәйлеләрнең шушы аерым категориясенә 3000 сум түләү аларга якыннарына бүләкләр сатып алырга мөмкинлек бирәчәк.

Сурайкин әлеге эшне тизләтү өчен бу категориядәге русиялеләр турындагы мәгълүматларны социаль яклау, опека органнарыннан, мәшгульлек үзәкләреннән алып булачак, ди.

Бер тапкыр бирелә торган бу түләүләр ил бюджетына зыян китермәячәк, дип ышана Сурайкин.

#национальныепроекты;

#нацпроекты;

#региональныепроекты;

#регпроекты;

#нацпроектыБашкортостан;

#ВладимирПутин

Фото: informatio.ru