Әниләр көненә рәсемнәр бәйгесе

Халыкара Әниләр көне алдыннан «Ана һәм бала» кризис үзәгендә «Минем гүзәл әнием» дип аталган балалар рәсемнәре бәйгесе башланды.Анда 5 яшьтән 14 яшькә кадәрге малайлар һәм кызлар катнаша ала. Моның өчен А4 форматтагы биттә карандаш, фломастер, акварель яки гуашь белән эшләнгән әни портретын ясап, бәйгедә катнашучының исем-фамилиясен, яшен һәм элемтәгә керер өчен әти-әнисенең телефон саннарын язып җибәрергә кирәк.Балаларның эшләрен 28 ноябрьгә кадәр «Ана һәм бала» берләшмәсе директында көтәләр: https://vk.com/mamadetichishmy, шулай ук электрон почта аша: mamadetichishmy@mail.ru яки What’s App кушымтасы буенча (8-967-788-7028) җибәрергә мөмкин.