Бөтенрәсәй әбунә ункөнлеге башланды

1 октябрьдә Бөтенрәсәй әбунә ункөнлеге башланды, ул 11 октябрьгә кадәр дәвам итәчәк. Бу чорда почтада һәм podpiska.pochta.ru сайтында «Родник плюс»-«Чишмә»гә ташламалы бәя буенча язылырга була (ташлама күләмен почта элемтәсе бүлекләрендә ачыклагыз). Исегезгә төшерәбез, район үзәге, Чишмә һәм Ярми авыллары халкы район гәзитенә нәшер итүче бәясе буенча редакциядә; китапханәләрдә (гәзитне китапханәдән үзеңә алырга туры киләчәк) яисә 8 (34797) 2-33-63, 8-987-603-1448 телефоннары буенча курьерны чакыртып языла ала. «Игелек агачы» акциясе барышында шулай ук социаль учреждениеләргә басма матбугатка язылу рәвешендә хәйрия ярдәме күрсәтергә мөмкин. Интернетта podpiska.pochta.ru/derevo-dobra сайтына кереп яисә почта элемтәсенең якындагы бүлегенә барып акциядә катнашырга мөмкин.