Туган якта агачлар утыртыйк

18 һәм 19 сентябрьдә Чишмә районында Бөтендөнья чисталык көне, «Яшел Рәсәй» һәм «Яшел Башкирия» акцияләре барышында экологик өмәләр узачак һәм агачлар утыртылачак.Алкин-2 авылында: Үзәк урамдагы күп фатирлы 14, 20 һәм 22нче йортлар; Мәктәп тыкрыгы, 16, 18нче, Крючков урамындагы 12нче йорт алларында экологик өмәләр үткәрү һәм 200 төп агач (нарат, каен, юкә) утырту планлаштырылган. Катнашырга теләүчеләр 18 сентябрьдә 10.30 сәгатьтә мәктәп янында җыела.Шулай ук Чишмә поселогының Шоссе, Мостай Кәрим урамнары яшелләндерелә, Карамалы елгасы ярларында экологик өмәләр үткәрелә. Җыелу вакыты 19 сентябрьдә, район дәваханәсе парковкасы янындагы җәяүлеләр күпере янында иртәнге сәгать 9да. Барлык мәгълүматны 8 (34797) 2-22-72 номеры буенча шалтыратып белергә була.