Урып-җыю кызган чак

Район авыл хуҗалыгы идарәлегеннән алынган мәгълүматларга караганда, 3 августка бөртекле һәм кузаклы культуралар 5 253 гектар мәйданда чабылган һәм җыелган, тулай җыем 14 899 тонна тәшкил иткән, уңыш куәте һәр гектардан 28,4 центнер тәшкил итә. Бөртекле уҗым культуралары – 3985 гектарда, 11913 тонна суктырылган (уңыш гектарыннан 29,9 центнер), шул исәптән уҗым бодае – 3844 га, 11532 тонна (30 ц/га), уҗым арышы – 106 га, 286 тонна (уңыш – 27 ц/га), уҗым тритикалесе – 35 га, 95 тонна (27 ц/га), шулай ук бөртекле сабан культуралары: борчак – 1268 га, 2986 тонна (уңыш – 23,5 ц/га) суктырылган.