+17 °С
Облачно
Новости
16 Июля 2020, 07:13
Кыярны аспиринсыз тозлагыз
Кайберәүләр кыярны, бик яхшы саклана дип, аспирин белән тозлый. Болай эшләргә ярыймы?
Аспирин (ацетилсалицил кислотасы) — азык консерванты түгел, ә дару. Аның эремәсендә бактерияләр үлә, шуңа тозлык бозылмый, банкалар атмый.
Әмма тозлыкта фенол катнашмалар барлыкка килә, ул микробларны үтерә, кеше организмы өчен дә агулы.
Бөтендөнья сәламәтлек саклау оешмасы (ВОЗ) аспиринны азык консерванты исемлегенә кертүне тыйды.
Аспиринлы консервлар куллану сәламәтлеккә зыянлы. Бу — беренче чиратта бавыр һәм бөерләргә куркыныч санала.
Балаларга мондый яшелчәләрне бөтенләй бирергә ярамый. Аспирин салып тозланган кыяр белән мавыгу пиелонефритка китерә ала.
Ашказаны, эчәклек өчен дә зыяны бар. Шуның өстенә аспиринлы кыярны еш ашау препаратка күнегүгә китерә.
Салкын тиеп авырганда, температураны төшерергә теләгәндә, бу дару булышмаячак, аллергия куркынычы арта.
Яшелчәләр маринадлаганда аш серкәсе яки лимон кислотасы кулланырга кирәк.
Аш серкәсе 1 литр тозлыкка 1 аш кашыгы исәбеннән җитә. Алма серкәсе тагын да файдалырак.
Фото: vcusnyatina.ru
Редакцияне сайлау
