Игелек кыл – әбунә бүләк ит

1 июньнән башлап чишмәлеләр балалар йортларында һәм мәктәп-интернатларда тәрбияләнүчеләргә балалар өчен чыгарылган гәзит-журналларга язылу квитанциясе бүләк итә алачак. Сез «Игелек агачы» хәйрия акциясе барышында акциянең рәсми сәхифәсендә (https://podpiska.pochta.ru/derevo-dobra) хәйрия әбунәсе тутыра аласыз. Моның өчен әлеге адрес буенча кереп, төбәкне һәм социаль учреждениене сайларга кирәк, ә балаларга һәм үсмерләргә басмаларны почта китерәчәк.Акция 10 июньгә кадәр гамәлдә, гәзит-журналларга бу вакыттаташламалы бәягә язылырга мөмкин, чөнки бу көннәрдә Рәсәй Почтасында әбунә ункөнлеге гамәлдә булачак.Шулай ук «Игелек агачы» һәм «Күршеңне яздыр» акцияләре барышында сез ветераннарны, олы яшьтәге күршеләрегезне, картлар йортларында яшәүчеләрне алар яраткан гәзит-журналга яздыра яки авыл китапханәләренә әбунә тутыра аласыз. Әбунәне мобиль кушымтада, Рәсәй Почтасы сайтында яки хат ташучы аша өйдә тутырырга була. Шул исәптән «Чишмә» һәм «Родник плюс» гәзитләренә дә яздырырга була. Акция 10 июньгә кадәр дәвам итәчәк, бу вакытта гәзиткә 30% ташлама белән язылырга мөмкин булачак.