Коляскалар парады – онлайн режимда

Чишмә районында Балаларны яклау көненә «Коляскалар парады-2020» бәйгесе игълан ителде.Коронавирус пандемиясе белән бәйле рәвештә, коляскалар парады гадәттәгечә түгел, ә онлайн режимда үтәчәк. Бәйге ике яшькә кадәрге сабыйлар (коляскалар), өчтән алты яшькә кадәр (коляскалар яки велосипедлар) һәм җидедән 10 яшькә кадәрге балалар (велосипедлар) арасында үткәрелә.Бәйгедә катнашу өчен колясканы төрле материаллар ярдәмендә матур итеп бизәргә һәм аның янында фотога төшәргә кирәк (кадрда гаиләнең барлык әгъзалары булу мәҗбүри). Фотографияләрне 25 майдан 1 июньгә кадәр https://vk.com/doveriechishmy төркеменә җибәрергә кирәк. Бизәлгән коляскага яки велосипедка исем уйлап табарга һәм авторның исем-шәрифләрен күрсәтергә онытмагыз. Катнашучыларга электрон сертификат тапшырылачак, ә иң үзенчәлекле эшләрнең авторлары приз алачак.Фото: http://paradkolyasok.ru/