Балалар мәйданчыгына – йөз мең

Чишмә поселогының Социалистик урамындагы 19нчы йорт 2019 елда республика бәйгесендә җиңүчеләрнең берсе булды, һәм хәзер хаклы рәвештә «Күп фатирлы иң яхшы йорт» исемен йөртә.Бәйгедә Башкортстан Республикасындагы 150гә якын күп фатирлы йорт катнашты.Бәйгедә җиңгән йортка тагын да уңайлырак шартлар булдыру, йортны һәм аның тирә-ягындагы территорияне төзекләндерү өчен 100 мең сум күләмендә грант бирелде. Гомуми җыелышта әлеге акчаларны балалар мәйданчыгын җиһазландыруга юнәлдерү турында карар кабул ителде: таганнар, карусель, комлык һәм таган-балансир сатып алынды.Бәйгедә җиңүгә ирешү өчен күп фатирлы йортта яшәүчеләр уртак тырышлык салды, шимбә өмәләрендә актив катнашты.