Рамазан ае башлана

Мөселманнар өчен изге Рамазан ае пәнҗешәмбе көнне, 23 апрельдә, кояш баегач башланды. Ураза бәйрәме якшәмбе – 24 майда бәйрәм ителәчәк.Исегезгә төшерәбез, 2020 елның 30 мартыннан башланган өйдә тору режимы шартларында хакимият тарафыннан кушылган, халык арасында коронавирус таралуны кисәтү буенча күрелгән чараларны бозарга ярамый. Тәравих намазын өй шартларында да укырга мөмкин. Шулай итеп, мәчетләрдә әлеге намаз укылмаячак. Аның онлайн трансляциясен Мөселманнарның Үзәк диния нәзарәте сайтында (www.cdum.ru) карарга мөмкин булачак.