«Башкир-агроинвест» басуга чыкты

«Башкир-агроинвест» җәмгыяте язгы кыр эшләрен беренчеләрдән булып башлады. Биредә уҗым бодае басуларына ашлама (аммиак селитрасы) кертелә, быел бу эш 31 мартта, үткән ел белән чагыштырганда бер атнага иртәрәк башланды. Бүгенге көндә 511 гектарда ашлама кертелгән, барлыгы 2266 гектар җирне эшкәртәсе бар. Дым каплату 130 гектарда башкарылган. Агрономнар техниканы җир кибү белән кырга чыгару өчен басуларны даими тикшереп тора. Хуҗалыкта шулай ук орлык материалларын да актив агулыйлар, бүгенге көндә 78 тонна орлык агуланган.