+27 °С
Облачно
Новости
18 Марта 2020, 06:29
Табибларга - яңа статуслар
БР Сәламәтлек саклау министрлыгында яңа алымнар
Башкортстанда табибларга һәм медицина хезмәткәрләренә: “Башкортстан табибы”, «Башкортстан фельдшеры» һәм «Башкортстан шәфкать туташы» кебек яңа исемнәр бирелә башлаячак.
Статус республиканың сәламәтлек саклау министрлыгы игълан иткән конкурс нәтиҗәләре буенча билгеләнәчәк һәм күкрәк билгесе, таныклык белән расланачак.
Конкурсның беренче өлеше компьютерда тест үтү булыр. Икенче өлештә соңгы өч елдгы һөнәри эшчәнлеккә бәя биреләчәк.
Һәр номинациядә җиңеп чыккан белгеч бөтенрусия конкурсында катнашачак.
Мондый һөнәри бәйгеләр һәм дәртләндерү чаралары В.Путинның май указлары кысаларында эшләүче “Сәламәтлек” милли проекты эшчәнлегенең бер юнәлеше.
Чыганак: "Башинформ"