Шөнгәккүлдә янгын булды

16 мартта, эш көне ахырында, Чишмә районының Шөнгәккүл авылындагы кошчылык фабрикасы бинасында янгын чыга.

Республиканың Гадәттән тыш хәлләр министрлыгының матбугат хезмәте мәгълүматларына караганда, янгынны сүндерүдә биш махсус автомашина, 11 коткаручы катнашкан. Тиз арада килеп җиткән янгын сүндерүчеләр 20 квадрат метрлы корпус түбәсен ут ялмап алуын күрә. Янгын сүндерүчеләргә утны басу өчен бер сәгатьтән кимрәк вакыт кирәк була. Янгынның сәбәбе әлегә ачыкланмаган. Бәхеткә, зыян күрүчеләр юк.

Фото: Башинформ