Ана капиталын алу җиңеләячәк

Озакламый бу эшне бәби тудыру йортыннан чыккач та эшләргә мөмкин булачак.

“Моңа кадәр бихисап кәгазь, инструкцияләр тутырырга кирәк иде. Хәзер исә ана капиталын һәм шуңа ярашлы танытманы алу өчен булачак ана бәби тудыру йортына кергәндә тутырылган мәгълүматлар да җитәчәк”,—дип белдерде РФ финанс министры Антон Силуанов.

Шулай итеп, бәби тудыру йортыннан чыкканда ук хатын-кызга ана капиталы турындагы сертификат йә аның электрон почтасына, йә кесә телефонына киләчәк. Шулай ук ана сертификатның кәгазь вариантын сайлый ала, дип раслый министр. Ул шулай ук түләүләр яшь гаиләләргә өстәмә чыганаклар һәм шәхси милек алырга булышырга тиеш дип билгеләде.

РФ президенты Владимир Путин 15 гыйнварда Федераль Җыелышка аталган хатында 3тән 7 яшькә кадәрле балалар өчен ай саен түләнелүче акчаларны 2020 елның 1 гыйнварыннан карарга тәкъдим итте. Президент сүзләре буенча, бу түләүләрне кереме бер кешегә бер яшәү минимумыннан артмаган гаиләләр алачак. Аны алу процедурасы гадиләштереләчәк.

Чыганак: "Өмет"