Вируслы инфекция һәм пневмония үсеше күзәтелә

Чишмә үзәк район дәваханәсе мәгълүматлары буенча, әлеге вакытта районда грипп белән авыру очраклары теркәлмәгән. 2019 елның 31 декабреннән 2020 елның 5 гыйнварына кадәр кискен респиратор вируслы инфекция (ОРВИ) билгеләре белән поликлиникага 94 кеше мөрәҗәгать иткән, шуларның 36сы – балалар. 2020 елның 6–12 гыйнварында ОРВИ белән 157 пациент (61 бала) килгән. 2020 елның 2–8 гыйнварына 8 кеше (биш бала), 9–13 гыйнварына 11 кеше (ике бала) үпкә ялкынсынуы диагнозы белән дәваханәгә салынган.