Паспортларда хата киткән

Башкортстан Республикасы буенча Эчке эшләр министрлыгында 2019 елның 1 февраленнән 1 октябренә кадәрге чорда биш елга бирелгән, техник хата җибәрелгән чит ил паспортлары алыштырылачак (Күмертау, Стәрлетамак, Ишембай, Нефтекама, Октябрьский һәм Межгорье шәһәрләрендә алынган паспортлардан тыш).

Паспорт алыштырган өчен дәүләт пошлинасы алынмый.

Гражданинга паспортын алыштыру өчен миграция буенча бүлекчәгә барып чит ил паспортын һәм Рәсәй Федерациясе гражданины паспортын тапшырырга кирәк.

Шуны билгеләү мөһим, Чишмә районында шундый 300 чит ил паспорты бирелгән, әлеге вакытта 215е алыштырылган.

Сорауларыгыз булса 8 (34797) 2-18-98 телефоны буенча шалтыратыгыз.

Фото: «Башинформ» МА