Көзге эшләр тәмамлана

Авыл хуҗалыгы идарәлеге мәгълүматларына караганда, 14 октябрьгә бөртекле һәм бөртекле-кузаклы культуралар 36022 гектар мәйданда суктырып алынган, тулаем җыем – 102112 тонна, уңыш куәте һәр гектардан 28,3 центнер тәшкил итә.

Туңга җир 16100 гектарда сөрелгән, 14200 гектар җир эшкәртелгән, бу гомуми мәйданнарның 77%ы. Шикәр чөгендерен казу дәвам итә. Әлеге вакытта ул 4240 гектар мәйданда казып алынган, тулаем җыем 163086 тонна тәшкил итә, уңыш куәте – һәр гектардан 385 центнер. Басулардан 102794 тонна татлы тамыр чыгарылган.

Силос хәзерләү буенча план үтәлгән. 950 гектар кукуруз чабылган һәм 17000 тонна силос салынган.