Урак эшләре тәмамлана

Авыл хуҗалыгы идарәлеге мәгълүматларына караганда, 23 сентябрьгә бөртекле һәм бөртекле-кузаклы культуралар 34722 гектарда суктырып алынган, бу планга карата 95% тәшкил итә. Тулаем җыем – 94097 тонна, уңыш куәте – һәр гектардан 27,1 центнер. Уҗымнар 15700 гектар мәйданда чәчелгән, шул исәптән бодай – 14250, арыш – 700, тритикале – 400 һәм вика-арыш 350 гектарда. Силос 14100 тонна әзерләнгән.

Шикәр чөгендерен казу дәвам итә, әлеге вакытта ул 2376 гектар мәйданда казып алынган, тулаем җыем 88134 тонна тәшкил итә, уңыш куәте – һәр гектардан 371 центнер. Басулардан 67470 тонна татлы тамыр чыгарылган.