Кикбоксинг буенча спорт мастеры зарядка үткәрде

Бердәм тавыш бирү көнендә Башкортстанның барлык районнарында "Йолдыз белән зарядка" акциясе үтә. Чишмә районында аны кикбоксинг буенча спорт мастеры, 36 тапкыр дөнья чемпионы Вил Габдуллин үткәрде. Балалар һәм өлкәннәр район хакимияте каршындагы мәйданга җыелып, күтәренке кәеф белән, спортчы белән берлектә зарядка ясадылар.

-Яшьләргә шуны җиткерергә тырышам, зарядка ясау - ул сәламәт тормыш рәвеше. Спорт ярдәмендә күп нәрсәгә ирешергә, мәсәлән, яхшы формада булырга мөмкин булуын үз мисалымда күрсәтергә телим. Бүгенге зарядка - ул үсеп килүче буынны өндәү. Чишмә районыннан республика намусын яклаучы спортчылар күп, һәм без алар белән горурланабыз. Әлеге гореф-гадәт киләчәктә дә дәвам итәр, - диде Вил Габдуллин.