БР халык артисты Рушана Бабич һәм кинорежиссёр Булат Йосыпов: "Сайлауга яхшы кәеф белән барабыз"

Уфа шәһәренең 111нче сайлау участогында Башкортстанның халык артисты Рушана Бабич һәм кинорежиссер Булат Йосыпов тавыш бирде. Алар һәрвакыт сайлауга барулары турында сөйләделәр, менә бүген дә үзләренең сайлау участогына яхшы кәеф һәм киләчәккә зур өметләр баглап килгәннәр. Рушана белән Булат сайлау участогында тыныч шартларда эш баруын, сайлауның күзәтеп торучылар контролендә үтүен, бик күп яшьләрнең тавыш бирүен билгеләделәр. Тавыш бирергә килүчеләр күп булганга күрә, Рушанага бюллетень алу өчен бераз көтәргә туры килгән. «Кем өчен тавыш бирергә кирәклеген төгәл билгеләдем. Нәрсәне дә булса үзгәртү өчен җитәкчене халык хуплавы мөһим, кешеләр аның артыннан барырга тиеш...», диде кыска интервьюда Булат Йосыпов.