Бөртеклеләрнең яртысыннан күбесе урылган

Авыл хуҗалыгы идарәлеге мәгълүматларына караганда, 26 августка 21378 гектарда бөртекле һәм бөртекле-кузаклы культуралар чабылган һәм җыеп алынган, бу планга карата – 58%. 54942 тонна ашлык суктырылган, уртача уңыш һәр гектардан 25,7 центнер тәшкил итә.

Шул исәптән 7055 га уҗымнар чабылган, 20288 тонна ашлык суктырылган, уртача уңыш – һәр гектардан 28,8 центнер. Сабан ашлыклары 14327 га җыеп алынган, 34654 тонна суктырылган, уртача уңыш куәте – 24,2 центнер. Әлеге вакытта уҗым культуралары 2760 гектар мәйданда чәчелгән, шул исәптән уҗым бодае – 2100, уҗым арышы 500 гектарда. «Башкир-агроинвест» җәмгыятендә 26 августка 276 гектарда шикәр чөгендере казып алынган.