Уҗымнар чәчелә башлады

Районның авыл хуҗалыгы идарәлеге мәгълүматларына караганда, 15 августка 5378 гектарда бөртекле һәм бөртекле-кузаклы культуралар урылган, 13800 тонна ашлык суктырылган. Уртача уңыш куәте гектарыннан 25,7 центнер тәшкил итә. Шул исәптән 2303 гектар мәйданда уҗым культуралары урылган, уртача уңыш һәр гектардан – 31 центнер, 3075 гектарда (21,8 центнер) сабан ашлыгы суктырып алынган. «Үзәк» МТС предприятиесенең Чишмә бүлекчәсендә уҗым арышы чәчәргә керешкәннәр – 198 га.