Кандидатлар теркәлде

8 июльдә республика Үзәк сайлау комиссиясе Радий Хәбировны Башкортстан Башлыгы вазифасына кандидат итеп теркәде һәм аңа теркәлү турында билгеләнгән үрнәктәге таныклык тапшырды. «Башинформ» хәбәр итүенчә, Радий Хәбиров сайлау алды кампаниясен алып бару турындагы фикерләре белән уртаклашып, аерым алганда, дебатларда катнашмаячагын белдерде.

«Кешеләр өч минутта минем турында күбрәк белеп өлгерер микән, мин болай да даими рәвештә халык белән аралашам», – диде ул журналистларга.

БР Үзәк сайлау комиссиясенә республика башлыгы вазифасына кандидат итеп теркәлү өчен шулай ук И. Сухаревтан (ЛДПР), Ю. Котлыгужиннан (КПРФ), Ю. Игнатьевтан («Гадел Рәсәй»), В. Кобзевтан («Рәсәйнең гаделлек өчен пенсионерлар партиясе»), З. Гайсинадан («Яблоко»), Р. Кадыйровтан («Рәсәй патриотлары») һәм В. Барабаштан («Гражданнар көче») документлар кабул ителде.