"Гомумдәүләт проектлары кешеләр күзлегеннән"

«Бердәм Рәсәй» гомумдәүләт проектларын гамәлгә ашыру буенча халык ике яклы элемтә сервисын булдырачак.

Һәркем үзенең төбәгендә гомумдәүләт проектларын гамәлгә ашыру проблемалары турында хәбәр итә алачак.

Сервис урыннарда гомумдәүләт проектлары кысаларында башкарылган эшләрнең барышы турында хәбәр итәчәк, ике яклы элемтә системасын тәкъдим итәчәк. Ул көз көне эшли башлаячак. Бу хакта «Бердәм Рәсәй» партиясенең Генераль советы секретаре Андрей Турчак хәбәр итте.

«Социаль челтәрләрдәге махсус берләшмәләрдә, партия сайтларында һәм партиянең мобиль кушымтасында гомумдәүләт проектлары кысаларында төзелүче объектлар турында шикаять яисә сораулар бирергә мөмкин булачак. Барлык хәбәрләр дә «Гомумдәүләт проектлары кешеләр күзлегеннән» сервисы сайтында һәр объект буенча халыкка җиткерелә торган структурлаштырылган һәм бердәм базага кертеләчәк», - дип белдерде Турчак.

«Кызыл таң» сайтыннан

#национальныепроекты;

#нацпроекты;

#региональныепроекты;

#регпроекты;

#нацпроектыБашкортостан