Чишмәдә коляскалар, гаилә парлары һәм уеннар парады

Шимбә, 6 июльдә, район Мәдәният сараенда Гаилә, мәхәббәт һәм тугрылык көненә багышланган бәйрәм булачак.

Программада: «Мәхәббәт һәм тугрылык өчен» медале белән бүләкләнгән гаиләләрне хөрмәтләү; балалар коляскаларын үзенчәлекле бизәүгә бәйге; гаилә парлары парады; бәйгеләр, уеннар, иҗади осталык класслары, балалар өчен уен мәйданчыклары. Гаилә парлары парадында һәм балалар коляскалары бәйгесендә катнашырга теләүчеләр «Гаилә» республика ресурс үзәгенең Чишмә районы буенча бүлекчәсенә мөрәҗәгать итә ала (адресы: Чишмә пос., Киров урамы, 19).