+14 °С
Облачно
Новости
20 Июня 2019, 06:39
Әз дигәндә 78 яшькә җитәчәкбез!
Башкортстан «Сәламәтлек саклау» гомумдәүләт проектын гамәлгә ашыруга 16 миллиард сум алачак.
Бу хакта сәламәтлек саклау министры вазыйфасын башкаручы Максим Забелин белдерде.
- Максат бер - 2024 елга уртача гомер озынлыгын 78 яшькә җиткерү. Проект сигез өлешкә бүленгән. Шулай ук, «Сакчыл поликлиника» проекты эшләячәк, - диде ул.
Бу проектка, шулай ук балалар поликлиникалары да кертеләчәк. Алар барысы да матди-техник базаларын яхшыртачак: биналар ремонтланачак, җиһазлар яңартылачак, рентген белән ультратавыш барлыкка киләчәк.
Максим Забелин Республика балалар клиник дәваханәсен реконструкцияләү, балалар онкологиясе һәм гематологиясе корпусын төзү планнары турында сөйләде.
«Радий Хәбиров бу проектны шәхсән контрольдә тота, Рәсәй сәламәтлек саклау министры белән даими бәйләнештә тора. Планда - төзелешне 2020-21 елларда башлау», - диде министр.
«Кызыл таң» сайтыннан
#национальныепроекты;
#нацпроекты;
#региональныепроекты;
#регпроекты;
#нацпроектыБашкортостан;
Редакцияне сайлау
