+27 °С
Облачно
Новости
17 Июня 2019, 06:48
Дәүләт проектын тормышка ашыру максатында
«Демография» гомумдәүләт проекты барышында өлкән буын гражданнарның тормыш сыйфатын күтәрүгә, балалар туу санын стимуллаштыруга һәм сәламәт яшәү рәвешен алып баручы кешеләр санын арттыруга Башкортстан 34,4 миллиард сум акча алачак.
Бу акча беренче бала тууга, яки уллыкка алуга бәйле рәвештә узган елның икенче кварталында эшкә яраклы кешеләрнең кереме яшәү минимумыннан 1,5 тапкыр артмаган гаиләләргә айлык түләүгә юнәлтеләчәк. 2019 елда түләү күләме 9182 сум тәшкил итә.
Күпбалалы гаиләләр 6 процентлы ташламалы ипотекага дәгъва итә ала. Шулай ук ел саен Рәсәйнең күпбалалы гаиләләре берләшмәсе хисабына 2 меңнән артык ЭКО процедурасы уздырылачак.
«Демография» гомумдәүләт проекты кысаларында 2019 елда Уфа, Стәрлетамак, Белорет, Зианчура, Салават, Краснокама, Борай, Чакмагыш районнарында, шулай ук Бәләбәй һәм Күмертауда 19 балалар бакчасы төзелә һәм үзгәртеп корыла.
- Мәктәпкәчә учреждениенең уртача бәясе 100-150 миллион сум тәшкил итә. 2024 елга өч яшькә кадәр балалар өчен мәктәпкәчә белем бирү оешмаларына чиратны бетерергә тиешбез, - дип билгеләде Башкортстанның мәгариф министры вазыйфасын башкаручы Айбулат Хажин.
«Кызыл таң» сайтыннан алынды