Балалар юлларда зыян күрмәсен өчен

20 майда «Игътибар – балалар» кисәтү операциясе башланды, ул 7 июньгә кадәр дәвам итәчәк. ЮХИДИ инспекторлары шоферларның балигъ яшькә җитмәгән балаларны машинага утыртып йөртү, шулай ук мәгариф учреждениеләре янында юл хәрәкәте кагыйдәләрен үтәвен тикшерәчәк, җәяүле балаларга, велосипедта һәм мотоциклда йөрүчеләргә аеруча игътибар биреләчәк.

– Ел башыннан район территориясендә балигъ булмаганнар катнашлыгында өч юл һәлакәте булды, анда өч бала зыян күрде, – дип хәбәр итте ЮХИДИ пропагандалау буенча инспектор Әлфия Вәлиева.