Чишмәдә велосипедларда узыш

26 майда Чишмәдә велоузыш була. Аның маршруты салым хезмәте каршындагы мәйданнан башланып, Чернышевский – Киров – Гыйззәтуллин – Ленин урамнары буенча үтәчәк һәм янә башлангыч ноктада – салым хезмәте каршындагы мәйданда тәмамланачак. Катнашучылар дүрт яшь төркеменә бүленә: 14–17 яшь, 18–35, 36–55, 56 яшьлекләр һәм өлкәнрәкләр. 14 яшьтән кечерәк балалар әти-әниләре белән бергә яисә аларның язма ризалыгы белән катнаша ала. Катнашырга теләүчеләр иртән сәгать 10да салым хезмәте каршындагы мәйданда теркәлә ала.