Көмешкә саткан өчен хөкем ителә

«Алкоголь» оператив-кисәтү чаралары барышында ел башыннан полицейскийлар тарафыннан җиде административ хокук бозу, шул исәптән физик затларның алкоголь һәм составында спирт булган эчемлекләрне законсыз сатуының өч очрагы ачыкланган. Чишмә поселогында, Түбән Тирмә һәм Чишмә авылларында яшәүчеләргә беркетмәләр төзелгән, аларга административ җәза яный. Шулай ук күп тапкыр алкоголь продукциясе саткан район үзәгендә яшәүче бер хатынга карата РФ Җинаять кодексының 171.4 маддәсе буенча җинаять эше кузгатылган. Ел башыннан 41,3 литр алкоголь продукция законсыз әйләнештән алынган.