Туган яктан котлау сәламе

Рәсәй почта элемтәсенең Чишмә бүлекчәсе 23 февраль алдыннан «Кече туган яктан хәбәр» акциясен оештыра. 8 февральдә Чишмә почтамтында иң яшь Ватанны саклаучыларга – 2018 елда көз армия сафына алынучыларга котлау открыткалары җибәреләчәк. Чишмә районы буенча почта бүлеге начальнигы Светлана Уразмәтова хәбәр итүенчә, акциянең иганәчесе – БР Дәүләт җыелышы – Корылтай депутаты Айдар Якупов. Акциягә кушылырга теләүче солдатларның әти-әниләре бу көнне сәгать 3тә Чишмә поселогындагы үзәк почтамтка килә ала.