Чишмәле Казанга бара

9–11 гыйнварда Уфада республика күләмендәге олимпиадалар булды, чишмәлеләр анда яхшы нәтиҗәләр күрсәтте.

Келәш авылының М. Кәрим исемендәге мәктәбенең 8нче сыйныф укучысы Диора Мансурова (укытучысы Римма Гайфуллина) һәм Дурас мәктәбенең 11нче сыйныф укучысы Айсылу Гаймалова (укытучысы Рәйфә Әминева) башкорт теле һәм әдәбияты буенча олимпиада призерлары булдылар. Татар теле һәм әдәбияты буенча олимпиадада Алкин-2 урта гомум белем бирү мәктәбе филиалы – Уразбахты мәктәбенең 8нче сыйныф укучысы Аделина Миңнебаева (укытучысы Гүзәл Шәфыйкова) призер булды. Келәш мәктәбеннән 10нчы сыйныфта укучы Юлия Гайфуллина (укытучысы Расиха Уразмәтова) беренче урын алды һәм 26–29 гыйнварда Казанда үтәчәк төбәкара олимпиадага барачак.