Герой-аналар өчен яңа түләүләр һәм льготалар

Башкортстанда әлеге вакытта мондый югары исемгә ия булган ун хатын-кыз бар.

Әлеге түләүне алу өчен артык документлар һәм белешмәләр тапшыру кирәкми, акча исем бирелгән көннән килә башлаячак. Моннан тыш, лаеклы ялга чыккан «Ге-рой-ана»ларга пенсиягә ай саен өстәмә түләү – 36 мең сум кертелде.

Горурланырлык сәбәп тә бар. Узган елны Ярми авылыннан Равилә Тәминдарова да Рәсәй Президенты Владимир Путин Указы белән «Герой-ана» исеменә лаек булды. Бу югары дәүләт бүләген аңа республика Башлыгы Радий Хәбиров тапшырды.

Шунысын да билгеләп үтәргә кирәк, республикада күп балалы гаиләләр саны арта бара: соңгы биш елда аларның саны чирек тапкырга диярлек арткан – бүген алар 70 меңнән күбрәк. Алар өчен Башкортстанда төрле ташламалар һәм түләүләрнең 40тан артык төре гамәлдә.

Ата-аналарга нәрсәләрне белү мөһим:

Сроксыз статус: республикада күп балалы гаилә статусының гамәлдә булу вакыты юк.

Торак-коммуналь хезмәтләргә һәм юлда йөрүгә ташламалар: бу ярдәм чаралары олы балага 23 яшь тулганчы (әгәр ул көндезге бүлектә укыса) саклана.

Уку өчен ярдәм: Узган елдан башлап бик яхшы ташлама гамәлдә – республика балаларның колледжларда һәм техникумнарда уку бәясенең яртысын кире кайтара.