Районда авыл Советы көннәре уза

Җыелышка килгән район оешмалары вәкилләре халыкка үз юнәлешләре буенча эш барышы турында сөйләделәр. Табиб-терапевт, беренчел махсус медик-санитар ярдәм бүлеге мөдире Венера Латыйпова кайбер яңалыклар белән уртаклашты. Яңа Усман авылындагы фельдшер-акушерлык пунктында дару препаратларын сату өчен даруханә витринасы урнаштырылачагын хәбәр итте. Шул уңайдан сораулар бирүчеләр дә булды.

Җыелыш барышында районның социаль-икътисади үсешенә зур өлеш керткән юбилярларны һәм гражданнарны да тәбрикләделәр, махсус хәрби операциядә катнашучыларның гаиләләре дә чакырылды.

Чара үзешчән сәнгатьтә катнашучылар куйган концерт программасы белән тәмамланды.

Дурас авыл Советы – халык бердәмлегенең ачык мисалы!

Хакимият башлыгы Ришат Мансуров ассызыклавынча, мондый җыелышлар авыл халкы белән турыдан-туры аралашырга мөмкинлек бирә.

– Гражданнар җыенында мөһим мәсьәләләр карала, авыл биләмәсенең һәм районның киләчәктәге үсеш юнәлешләре билгеләнә. Август ае авыл Советы көннәренә багышлана, – диде ул.