Ун проект үтте

Чишмә районы быел 16 проектка документлар бирде, шуларның 10сы хупланды. Мәсәлән, Дурас биләмәсендә җәй айларында Дурас авылындагы скверны төзекләндерү планлаштырыла, ә Караякупта зират тәртипкә китереләчәк. Моңа кадәр Караякуп авылы биләмәсендәге берничә авыл клубына ремонт ясалды, Горный мәктәбендә тәрәзә блоклары алыштырылды.

Республика буенча барлыгы 1085 гариза кабул ителгән, шуларның яртысыннан күбесе сайлап алынган.

368 проект авыл җирлегендә тормышка ашырылачак.