Сарымсакның сабагы саргайса...

Шулай да күп бакчачылар сарымсак кыяклары саргая башлауга зарлана. Моның берничә сәбәбе бар. Беренчедән, туфракның ярлы булуы, минераль матдәләр җитмәүдән булырга мөмкин. Аңа азот кирәк. Җәй башында калий, фосфор, кальцийга ихтыяҗ арта, көл белән тукландырырга ярый. Икенчедән, дым җитмәү. Җәй коры килгәндә, сарымсакка су сибәргә кирәк. Өченче сәбәп – фузариоз.

Гөмбәле авыру кыякларны саргайта. Мондый хәл булмасын өчен, сарымсакка «Фитоспорин», «Алирин» кебек микробиологик препаратлар сибәләр.