Яңа маршрут ачылды

7 ноябрьдә Игнатовка, Өйдрәк, Яңа Усман, Дурас, Яңа Ябалаклы, Бүләкбаш, Дим, Чукраклы һәм Әлбәй авыллары аша үтүче автобус йөри башлады.

Бу маршруттагы тариф көйләнә, ул Башкортстан Республикасының Тарифлар буенча дәүләт комитеты тарафыннан расланган, ягъни юл бәясе үткән юлның озынлыгына бәйле.

Автобус дүшәмбе һәм җомга көннәрендә Чишмә поселогыннан 6.00 һәм 17.00 сәгатьләрдә (Әлбәй авылыннан 7.00, 18.10), якшәмбе көнне 12.00 һәм 17.00 сәгатьләрдә (Әлбәй авылыннан 13.10, 18.10) юлга чыга.