Аварияләр, янгыннар...

1956 елгы ир-ат «Фольксваген-Поло» машинасында китеп барганда идарәне югалтып Уза елгасына төшеп киткән. 68 яшьлек шофер алган җәрәхәтләрдән шул урында һәлак булган.

Самара – Уфа – Чиләбе юлында тагын бер авария булган – җиңел автомобиль «Джон-Дир» тракторы белән бәрелеш-кән. Салонда өч зур кешедән тыш, балигъ яшькә җитмәгән бала да булган, барысы да Благовар районыннан. Машинага идарә иткән 31 яшьлек шофер «баш сөяге-ми җәрәхәте» диагнозы белән Уфа шәһәренең 22-нче хастаханәсендә дәвалана. 51 яшьлек хатын шул ук диагноз белән Уфаның 21-нче хастаханәсендә дәвалана. 31 яшьлек хатынның баш сөяге ярылган һәм баш тиресе купкан, ә 11 яшьлек кызның кулбашы сынган. Авариядә зыян күрүчеләрнең барысының да хәле тотрыклы дип бәяли.

Үткән атнада Бер-дәм кизү-диспетчерлык хезмәте системасында 611 шалтырату кабул ителгән, шуларның 103-е ялган.

Бу чорда район буенча 6 янгын булган. Янгын сүндерүчеләр ут капкан чүп-чарны сүндерү өчен дүрт тапкыр Алкин-2 һәм Яңа Усман авылларына һәм янып киткән коры үләнне сүндерү өчен Ярми авыл Советы биләмәсенә барганнар. Ә бер янгын иртәнге сәгать биштә күп катлы йорт подъездында чыккан. Сәбәбе – ут белән саксыз эш итү. Өйдрәк авылында да гаражда торган бер машинага ут капкан.