Чишмэ
+26 °С
Болытлы
Барлык яңалыклар
Елмаеп алыйк
17 март 2019, 13:27

Елмаеп алыйк!

Мәзәкләр

Ире эштән арып кайта да хатынына кычкыра:

– Тагын ашарга әзер түгел. Мин бүре кебек ач. Хәзер ресторанга китәм.

– 5 минут сабыр ит, – ди хатыны.

– Нәрсә, шул вакыт эчендә ашарга өлгертмәкче буласыңмы?

– Юк, юк. Киенәм дә, мин дә синең белән барам.

* * *

– Кайчан да булса сайтлар гәзитләрне тулысынча алыштырыр дип уйлыйм мин.

– Алай булмастыр шикелле.

– Ә ник булмасын?

– Чөнки сайтка бернәрсә дә төреп булмый бит.

* * *

– Миңа кияүгә чык.

– Яхшы, – ди кыз.

Һәм тынлык урнаша. Ниһаять, кыз түзми:

– Ни өчен башка бер сүз дә әйтмисең, кадерлем?

– Болай да артыгы ычкынды бугай, – дип җавап бирә егет.

* * *

– Сиңа 23 февральгә нәрсә бүләк иттеләр?

– Әнә урамда торган шәмәхә төстәге 600нче «Мерседес»ны күрәсеңме син?

– О-о, шәп машина!

– Шуның төсендәге кепка бүләк иттеләр.
Читайте нас: