+23 °С
Дождь
Елмаеп алыйк
22 Декабря 2018, 19:03
Елмаеп алыйк
Ике программист сөйләшә:
– Кичә кибеттә ниндидер сәер җиһаз күрдем. Тик аны компьютерның кай җиренә тоташтырасын аңламадым.
– Нинди җиһаз?
– Тычкан капкыны дип атала.
* * *
– Машина алырга дип җыйган акчабызны нишләтик икән, атасы?
– Оныкларга бир. Туңдырма алып ашасыннар.
* * *
Ике дус сөйләшә:
– Хатынның күңеле булсын дип мин сулга йөрүемне, акчага карта уйнавымны туктаттым, эчүне һәм тартуны ташладым.
– Синең хатыныңнан да бәхетле кеше юк инде алайса?
– Ничек кенә бәхетле! Хәзер ул нәрсәдер әйтергә дип авызын ача да, сүз таба алмаганлыктан, көннәр буе авызын яба алмыйча йөри.
Редакцияне сайлау
