Елны лаеклы тәмамлыйлар

Чишмәнең «Grizzly» көрәшчеләр клубы спортчысы Руслан Туктаров кикбоксинг буенча Рәсәй чемпионатының бронза призеры булды.

Ул Башкортстан Республикасы җыелма командасы составында Кемерово шәһәрендә 547 спортчы җыелган ярышларда катнашты.

Руслан дүртенче ел рәттән 60 килограммга кадәр авырлык категориясендә илнең иң көчле кикбоксчылары арасына керә.

Сүз уңаеннан, «Чишмә май экстракцияләү заводы» җәмгыятенең һәм аның директоры Айдар Якуповның спортчыларның сәфәрен оештыруда иганәчелек ярдәме күрсәтүен билгеләп үтик.

«Чишмә» спорт-савыктыру комплексының Балалар-үсмерләр спорт мәктәбе җитәкчесе Елена Рычкова ел саен үткәрелүче семинар-киңәшмәдә Башкортстан Республикасы Спорт министрлыгының Мактау грамотасы белән бүләкләнде.

Уфа шәһәрендә йөзү буенча «Башкортстанның спорт резервы» ярышлары узды, анда республиканың төрле шәһәрләреннән һәм муниципалитетларыннан 518 спортчы катнашты, алар арасында «Чишмә» спорт-савыктыру комплексы Балалар-үсмерләр спорт мәктәбенең «Йөзү» секциясендә тәрбияләнүчеләр дә булды.

Ярыш нәтиҗәләре буенча Валерия Андреева брасс стилендә 200 метр дистанциягә йөзүдә беренче, 50 метрга йөзүдә икенче һәм 100 метр арада өченче урын яулады.

Балаларның күбесе элек ирешелгән нәтиҗәләрне сизелерлек яхшырттылар. Татьяна Дементьева аркага ятып 50 һәм 100 метр дистанциягә йөзүдә өлкәннәр арасында өченче разряд нормативын үтәде. Ә Милана Байдамшинага зурлар арасында икенче разряд алу өчен баллар җитмәде, дип хәбәр итте тренер Римма Костусенко.

Чишмә поселогының «Алга-Вперед» спорт-ватанпәрвәрлек үзәге дзюдочылары Уфа шәһәренең Октябрь районында «Динамо» спорт комплексында узган ярышларда бик теләп катнаштылар.

Спорт ярышының тәүге көнендә Руслан Мәҗитов, Евгений Хәйдәров һәм Эмиль Гарипов беренче урын алдылар, Кодрәтбәк Мәшәрипов, Аделина Фәхретдинова, Әскәр Фәизов, Эмиль Гәрәев – икенче һәм Эдель Мәҗитов, Виталий Власов, Артур Актимиров, Дмитрий Чибиряев һәм Ратмир Хәйфуллин – өченче; Эмиль Йосыпов, Максим Двойничков һәм Никита Тарасов бишенче урыннарда.

Ярышларның икенче көнендә 2012-2013 һәм 2016 елгы егетләр һәм кызлар арасында түбәндәге спортчылар җиңүгә иреште: Тимур Ваһапов һәм Ярослав Яркин – беренче, Данир Вәлиуллин, Арсен Гыйззәтуллин һәм Артем Абдрахманов икенче урынга чыктылар. Самир Харисов, Ислам Ибраһимов, Эрнест Гәрәев һәм Кәрим Байбуринга исә пьедесталның югары баскычына күтәрелү өчен берничә балл гына җитмәде.

Спортчыларның күпчелеге елны уңышлы тәмамлый, әмма нәтиҗәләрне яхшырту буенча эш дәвам итә, дип билгеләп үтте аларның тренеры Дамир Абдулкадыйров.

Егетләрне җиңүләре белән котлыйбыз һәм киләчәктә уңышлар телибез.