Башкортстан җыелма командасы составында Чишмәнең «GRIZZLY» көрәшчеләр клубы спортчылары Руслан Туктаров, Георгий Березкин, Эрнест Сафин һәм Тимур Яруллин да катнашты. Аларны котлау өчен сәбәп бар. Руслан Туктаров ярыш нәтиҗәләре буенча Рәсәй Кубогы чемпионы булды, шулай ук спорт мастеры исемен раслады. Бөтенрәсәй турнирында җиңү яулаган Георгий Березкин да спорт мастеры исемен раслады, ә Эрнест Сафин турнирның көмеш призеры булды.
«GRIZZLY» клубында билгеләп үтүләренчә, спортчыларны алда яңа ярышлар – К1 кикбоксинг буенча Рәсәй Кубогы көтә.