Яшь җайдаклар бүләкләнде

Исегезгә төшерәбез, сайлап алу турларында 44 муниципалитет, шул исәптән Чишмә районы вәкилләре булды. Безнең җайдаклар арасында ике укучы – 14 яшьлек Айгөл Моратова һәм 15 яшьлек Рушан Гарифуллин катнашты. Шушы көннәрдә районның әйдәүче зоотехнигы Венир Зәйнетдинов Иске Муса мәктәбенә килеп аларга районның авыл хуҗалыгы идарәлеге исеменнән рәхмәт белдерде. Укучыларга ярышларда катнашканнары өчен мактау грамоталары һәм акчалата премияләр тапшырылды.