Тай боксы буенча турнир

Күптән түгел Уфада тай боксы буенча республика турниры үтте, ул Башкортстан Республикасы оештырылуның 100 еллыгына багышланды.

Анда 150дән артык спортчы катнашты, алар арасында Чишмә районыннан 11 малай да бар иде. Финалга кадәр өч ярыш көне булды. Тәүге көнне бергә бер көч сынашу, икенче көнне – ярымфинал алышлар һәм өченче көнне финал булды. Георгий Березкин һәм Рәсүл Низаметдинов үз авырлык категорияләрендә беренче урыннарны алдылар, Оскар Янгиров, Булат Карачурин, Вадим Гарданов һәм Даниэль Мөхәмбәтов көмеш призерлар булдылар. Ә Артемий Нигъмәтҗанов, Богдан Абрамов, Артем Ихсанов һәм Әскар Улямаев өченче урыннарны алдылар. Егетләрне Тимур Туктаров белән Равил Галләмов тренировкаларга йөртә.