Пауэрлифтинг: бронза бар!

Чишмә районы командасы 18 яшькә кадәрге егетләр арасында команда зачетында бронза призер булды. Классик пауэрлифтингта хатын-кызлар командасы – дүртенче урында. Шәхси казанышларга килгәндә, 83 кг кадәрге авырлыктагы ир-атлар арасында Радмир Атнагулов иң көчлесе булды, Андрей Мерецкий (120 кг кадәр) – дүртенче урында. 18 яшькә кадәрге егетләр арасында 120 кг кадәр һәм авыррак категориядә чишмәлеләр Радмир Мортазин һәм Максим Колесников шулай ук иң көчлеләре булдылар. Ксения Петровская үз авырлык категориясендә икенче урын яулады. Классик (экипировкасыз) пауэрлифтингта Ксения 72 кг кадәрге категориядә өченче, Алена Мерецкая 52 кг кадәрге категориядә икенче урында. 83 кг кадәр авырлыктагы яшүсмерләр арасында Эмиль Ганиев бишенче урын алды.