Мәктәпкәчә яшьтәге балалар өчен бәйрәм

29 майда Чишмә поселогының спорт комплексында авыллардагы мәктәпкәчә яшьтәге мәгариф учреждениеләре арасында «Әти, әни, мин – спорт гаиләсе-2019» спорт бәйрәме үтте.

Анда 11 гаилә катнашты. Ярыш нәтиҗәләре буенча Верхний хуторыннан Якшыголовлар гаиләсе беренче урын алды. Чишмә авылыннан Ланичевлар гаиләсе («Малыш» балалар бакчасы) – икенче, Келәштән Насыйбуллиннар («Күбәләк» балалар бакчасының мәктәпкәчә төркеме) өченче урында. Җәй күңелле һәм файдалы үтсен!